ആലപ്പുഴ: കോവിഡ് രണ്ടാം വരവിനെ എതിരെ വാക്സിൻ എടുത്ത് ജാഗ്രത പുലർത്തണമെന്ന് ആലപ്പുഴ മെഡിക്കൽ കോളേജിലെ മെഡിസിൻ വിഭാഗം മേധാവി ഡോ.ബി.പദ്മകുമാർ ആവശ്യപ്പെട്ടു.
ഹെൽത്ത് ഫോർ ആൾ ഫൗണ്ടേഷൻ്റെ നേതൃത്വത്തിൽ സംഘടിപ്പിച്ച ലോക ആരോഗ്യ ദിനാചരണ പരിപാടിയുടെ ജില്ലാതല ഉദ്ഘാടനം നിർവ്വഹിച്ച് പ്രസംഗിക്കുകയായിരുന്നു അദ്ദേഹം.
ജനിതകമാറ്റം വന്ന കൊറോണ വൈറസ് കുടുതൽ മാരകമാണ്. വാക്സിനെതിരായ തെറ്റായ പ്രചരണങ്ങൾ വിശ്വസിക്കാതെ വാക്സിൻ എടുത്ത് രോഗ പ്രധിരോധം ഉറപ്പാക്കണമെന്ന് അദ്ദേഹം ആവശ്യപ്പെട്ടു.
ആലപ്പുഴ മെഡിക്കൽ കോളേജിലെ ഹൃദയ ആരോഗ്യ വിഭാഗം മേധാവി.ഡോ.കെ.എസ്.മോഹൻ അധ്യക്ഷത വഹിച്ചു. എ.എൻ പുരം ശിവകുമാർ, ഹരികുമാർ വാലേത്ത്, കെ.നാസർ, കെ.ശിവകുമാർ ജഗ്ഗു, ടി.എസ്.സിദ്ധാത്ഥൻ എന്നിവർ പ്രസംഗിച്ചു.
